KRUNA LINGGA NGANUTIN KECAP

 Kruna lingga inggih punika kruna sane durung polih pawewehan utawi pangangge kruna (imbuhan/afiks), sakadi pangater (awalan/prefiks), seselan (sisipan/infiks), pangiring (akhiran/ sufiks), pangater - pangiring (imbuhan gabungan/ konfiks), simulfiks, lan pangater - pangiring rangkungan ring kakalih (kombinasi afiks). Kruna lingga taler kabaos "Kata Dasar".

 Manut wandannyane (kecap), kruna lingga kapalih dados lelima inggih punika:

 1.          Kruna Lingga Awanda utawi Akecap (satu suku kata)

Upami:  yeh, poh, don, pis, tas, lan, tur, len, joh, boh, bok, mas, tuh, luh, nah, nyak, ron, duk, msl.

 2.          Kruna Lingga Kalih Wanda utawi Duang Wanda (dua suku kata)

Upami:  durus, jalan, belus, padem, ngajeng, jemet, belog, lengit, putih, api, jaran, mani, lacur, bulan, msl.

 3.          Kruna Lingga Tigang Wanda (tiga suku kata)

Upami:  segara, sepatu, sekoci, pedanda, sengkala, cemara, prarai, babuang, keladi, cempaka, bendera, celagi, buaya, msl.

 4.          Kruna Lingga Petang Wanda

Upami:  kalimayah, katibangbung, liligundi, kaliasem, kalialah, kalimantek, kalikukun, celebingkah, msl.

 5.          Kruna Lingga Limang Wanda

Upami:  katiwawalan, katibubuan, tambulilingan, katimumulan, kalisasuan, tamureretan, msl.

Inggih wantah sakadi asapunika bebacakan kruna lingga nganutin wandannyane/kecap, mogi wenten pikenohnyane.

Sane Marupa File Powerpoint indik Kruna Lingga nganuti Kecap nyane dados kadownload ring iriki 

Yening jagi meled nonton video nyane dados piarsaang ring alamat uoutube puniki : https://youtu.be/5IwfTPUsk2M

 

ARAN UNDAGAN KULAWARGA RING BASA BALI

 Nama Tingkatan Keluarga dalam Bahasa Bali (Aran Undagan Kulawarga ring Basa Bali)

Dalam blog Bahasa Bali kali ini akan di sajikan tentang Nama Tingkatan Keluarga dalam Bahasa Bali, lebih jelasnya akan disajikan ke dalam sebuah video yang dimana disana di jelaskan dengan Bahasa Indonesia, Bahasa Ingris, Bahasa Bali Andap, Bahasa Bali Halus dan ditulis dengan Aksara Bali (Bahasa Bali Halus)

KRUNA WILANGAN BASA BALI

 Teges Kruna Wilangan

Kruan wilangan ingguh punika, kruna sane nyihnayang akeh utawi akidik pepupulan barang-barang, sahananing maurip wiadin laksana pakaryan. Kruna-kruna dasa, aakit, asibak, acakep ngranjing ring kruna wilangan

Pahan Kruna Wilangan

1. Kruna wilangan ketekan.

Kruan wilangan ingguh punika, kruna sane nyihnayang akeh utawi akidik pepupulan barang-barang, sahananing maurip wiadin laksana pakaryan. Kruna-kruna dasa, aakit, asibak, acakep ngranjing ring kruna wilangan.

Kruna wilangan ketekan wantah kruna sane kanggen metek sikian / saka-siki ring kariane.

conto : sa, dua, telu, papat, lima, enem, pitu, kutus, sia, dasa, miwah selanturipun.

 

2. Kruna wilangan gebogan.

Kruna wilangan gebogan, kruna wilangan sane madue aran niri-niri utawi carane nyambatang maseosan tur sampun ketah pisan kaanggen. Kruna wilangan puniki ketah ipun kaucapang utawi kasambatang ngangge lengkara, nenten wilangan ipun. Sane ngeranjing ring kruna wilangan gebogan luire :

ü  35 wastanipun pesasur

ü  45 wastanipun setiman

ü  50 wastanipun seket

ü  75 wastanipun telung benang

ü  100 wastanipun satus

ü  150 wastanipun karobelah

ü  175 wastanipun lebak

ü  miwah sane seosan

 

3. Kruna wilangan pahan.

Kruna wilangan pahan puniki boya kasurat antuk angka, sakewanten kasurat ngangge aksara. Sane ngranjing ring kruna wilangan pahan luire :

Ø  Apahempatan (seperempat)

Ø  Atenga (setengah)

Ø  Atugel (sepenggal)

Ø  Apahteluan (sepertiga)

Ø  miwah sane lianan

 

4. Kruna wilangan tan janten.

Kruna wilangan tan janten puniki akeh nyane nenten janten utawi nenten keni antuk ngawilangin akehnyane. Ketah ipun kasurat ngangge kruna utawi aksara. Sane ngranjing ring kruna wilangan tan janten punki luir ipun :

Ø  Abedik; Nasine di payuke enu tuah abedik,

Ø  Begeh; Saudagar baase begeh maan meli baas di peken Badung,

Ø  Liu; Anake ento mancing ngaku liu maan be,

Ø  Aketek; Uyahe enu di calunge tuah aketek,

Ø  Ombeh; Ombeh mabiayagan lengise uli di paon,

Ø  Agetul; Agetul tusing enu lengise di botole,

Ø  Adesa; Ajaka adesa anake demonstrasi di lapangan puputan,

Ø  Akikit; Akikit tusing dadi idih gelahne,

Ø  Abanjar; Ajaka abamjar anake nulungin ia mamula padi di carik,

Ø  Apaso; Lawar apaso isinina kuah.

 

5. Kruna wilangan panta wilangan.

Sane ngranjing ring kruna wilangan panta wilangan, inggih punika :

Ø  Ekan (satuan)

Ø  Dasan (puluhan)

Ø  Tus (ratusan)

Ø  Peon (ribuan)

Ø  Laksan (puluh ribuan)

Ø  Keten/keti (ratus ribuan)

Ø  Yuta (jutaan)

Ø  Bara (puluh jutaan)

Ø  Ingel (ratus jutaan)

Ø  Bengong (milyaran).

6. Kruna wilangan pepasten wilangan.

Kruna wilangan puniki akeh ipun sampun pasti. Ketah ipun kruna wilangan puniki karahinin antuk kruna-kruna sane wenten pakilitan ipun ring kruna wilangan soang-soang. Sane ngranjing ring kruna wilangan pepasten wilangan, luire :

Ø  Sampi aakit

Ø  Bebek aukud

Ø  Tikeh abidang

Ø  Sandal apasang

Ø  Taluh abungkul

Ø  Busung amuncuk.

Indik FIle dados kaodwnload ring iriki

Taler video nyane dodar piarsaang ring Youtube

 

Pelaksanaan Bulan Bahasa Bali Tahun 2022 Di Desa Wanagiri

    

    Pemerintah Desa Wanagiri Bersinergi dengan Desa Adat Wanagiri menyelenggarakan Bulan Bahasa Bali IV pada Tahun 2022. Bulan Bahasa Bali kali ini bertemakan Danu Kerthi: Gitaning Toya Ening – "Toya Pinaka Wit Guna Widya" (Air Sumber Pengetahuan) bermakna Bulan Bahasa Bali yang ke-4 Tahun 2022 sebagai representasi pengetahuan yang mengalir tiada henti memancarkan kebajikan, kesejahteraan, dan kemuliaan dunia. Selain itu Bulan Bahasa Bali juga merupakan salah satu program Pemerintah Provinsi Bali dalam upaya pengembangan, pelestarian hingga pemajuan aksara, bahasa dan sastra Bali.

    Adapun lomba yang diselenggarakan yaitu lomba Ngwacen Aksara Bali Tingkat Remaja, lomba Nyurat Aksara Bali tingkat SD, lomba Nyatua Bali Tingkat Paiketan Krama Istri, dan lomba Dharmagita TIngkat Remaja dan umum. Karena Pandemi pelaksanaan kegiatan lomba Bulan Bahasa Bali tetap di selenggarakan dengan mengikuti protokol kesehatan yang ketat, dan tetap menjaga jarak.

    Kegiatan Bulan Bahasa ini langsung di Hadiri Perwakilan dari Majelis Desa Adat Kecamatan Sukasada, Perbekel Wanagiri ( Made Suparanton, SS ) dan Perangkat Desa, Kelian Desa Adat Wanagiri (Dewa Made Merta) dan Prajuru, Ketua BPD, Kepala Sekolah SD N 1,2,3 dan 4 Desa Wanagiri, Kepala SMPN Satu Atap 3 Sukasada, Ketua LPM, Ketua TP-PKK, Ketua Bumdes Wanagiri, Babinsa dan Bhabinkamtibmas Desa Wanagir, Penyuluh Bahasa Bali dan Penyuluh Agama Hindu Desa Wanagiri.

#Bulanbahasabali

#Provinsibali

#Kabupatenbuleleng

#Desawanagiri

Pembukaan Bulan Bahasa Bali

LENGKARA BASA BALI

 LENGKARA BASA BALI

• Lengkara Ingggih punika: Angkepan kalih kruna utawi akeh sane prasida ngawetuang ati sane jangkep saha maweweh pola paneesnyane.
• Lengkara sané kabaos paripurna sakirangnyané madaging jejering lengkara (subjék) miwah linging lengkara (prédikat).
A. Lengkara Basa Bali nganutin Linggihnyane / Kedudukannya kapalih dados 4 Soroh :
     1. Jejering Lengkara (Subyek)
     2. Linging lengkara (Predikat)
     3. Panandang Lengkara (Obyek)
     4. Pidartaning Lengkara (Keterangan)
         - Pidartaning Genah / Tempat (ring sekolah, ring pasar, msl.
         - Pidartaning Dauh / Waktu (dibi, tuni, abulan, tengai, msl)
         - Pidartaning Wilangan / Bilangan (tenga, papat, dasa, papat , selae, telung benang,msl)
         - Pidartaning Kahanan / Keadaan (seleg, tegeh, jegeg, bagus, kedas, kalem ,msl)
B. Lengkara Basa Bali nganutin Penees “ Intonasinyane” kapalih dados 4 soroh :
     1. Lengkara Pamidarta (Kalimat Berita)
         Inggih Punika : lengkara Pamidarta inggih punika lengkara sané nlatarang pariindikan (keadaan)
         umpami:
         • Tititang ngranjing ring SMK Wira Harapan
     2. Lengkara Pitakén (Kalimat Tanya)
         Inggih Punika: lengkara sané tetujon ipun nunas pasaur saking sang sané katakénin. Panees ring
         panguntat lengkara ketah ipun ngunggahang intonasi tanya.
         umpami:
         • Luh, saja Iluh suba ngelah gegelan?
     3. Lengkara Penguduh (Kalimat Perintah)
         Inggih Punika: lengkara sané tetujon ipun ngandikain anak tiosan mangda maparilaksana utawi ngambil
         pakaryan.
         Umpami:
         • Luh, mai je paekin negak disamping Beline!
         • Béh, énggalin ja majalan beli!
     4. Lengkara Nuutang Reraosan (Kalimat Langsung)
         Inggih punika: Lengkara sane tatujon ipun nunas pasaur saking anak tiosan sane sifatnyane langsung.
         umpami:
         • Bapa metakon”Putu tusing masuk jani?”
C. Lengkara Basa Bali nganutin lingingnyane kapalih dados 2 soroh inggih punika:
    1. Lengkara Lumaksana
        Inggih punika: Lengkara sane jejering lengkaran lengkarannyané nglaksanayang pakarya. Linging    
        lengkarannyané ketah marupa kruna tiron mapangater anusuara (Ny, M, N,Ng), sakadi:
        Umpami :
        • Beli Madé nusuk saté.
        • Mbok Putu ngaé rujak.
        • Adinné nulis surat ibi sanja di ampiké.
        • I Lubdaka manah kijangé ento.
     2. Lengkara Linaksana
         Inggih punika: Lengkara sane jejering lengkarannyané keni pakaryan. Linging lengkarannyané ketah
         marupa kruna tiron mapangater (ka-) miwah mapangiring (-in), miwah (-a).
         Umpami:
         • Saténé katusuk baan Beli Madé.
         • Tiang dukaina ring I Guru.
         • Bungané adepa tekén Luh Sari di Peken Badung.
         • Adinné maekin belinné.
         • Galengé tegakina tekén panakné.

 

PIDARTA BAHASA BALI

 Pidarta Bahasa Bali

 

Pidarta inggih punika bebaosan marupa daging pikayunan sane kawedar majeng anak sareng akeh, mangda napi sane kawedar prasida karesepang saha kalaksanayang.

Tata cara sajeroning maktayang pidarta:

Pidarta tutur inggih punika pidarta sane kawedar sangkaning dadakan utawi nenten madasar antuk pangrencana.

Pidarta sasuratan inggih punika pidarta sane kawedar sangkaning sampun kasiagayang teksnyane.

Pidarta arda tutur inggih punika pidarta sane kabaktayang ngangge ringkesan utawi skema, sane lumrah kabaktayang olih pangenter acara utawi ugrawakia.

Tata cara sajeroning makarya pidarata:

1. Murda

2. Pamahbah / Pendahuluan

- Pangastawa

- Rasa angayubagia

3. Daging pidarta

4. Pamuput

- Matur suksma

- Nyutetang daging baos

- Nunas pengampura

- Salam penutup

Agem utawi tetikes mapidarta:
1.Wicara inggih punika kawagedan ngolah topik utawi tema
2.Wirama inggih punika vocal / intonasi suara sane prasida nudut kayun sang sane mirengan
3.Wirasa inggih punika kawagedan maktayang pidrta antuk rasa mangda neneten sakadi anak ngapalan.
4.Wiraga inggih punika semita utawi laras sang sane maktayang
5.Wesata inggih punika nyobiahang pidarta antuk pikayunan sane manut ring wiraga.

File lengkapnya ada disini

KRUNA BASA BALI

 KRUNA BASA BALI

Kruna inggih Punika: pupulan suara/ wianjana sane ngawetuang arti.

Pepalihan kruna kapalih dados 2 soroh luirnyane:

A. Kruna Basa Bali Nganutin Wewangsannyane (Kedudukannya)

Manut ring Wewangsan ipun kruna basa Bali kapaih dados solas soroh luirnyane:

1. Kruna Aran (Kata benda)

– Kruna Aran Sekala (Kata Benda Kongkrit)

Conto: Meja, Kursi, Gunung, msl.

– Kruna Aran Niskala (Kata Benda Abstrak)

Conto: angin, keneh, msl.

2. Kruna Kria (Kata Kerja)

– Kruna Kria Lumaksana (Kata Kerja Aktif)

Conto: Majalan, Nulis, Jumujug, Ngandik, msl.

– Kruna Kria Linaksana (kata Kerja Fasif)

Conto: Kakirim, Sinurat, Tulisa, kandika, msl.

3. Kruna Kahanan (Kata Sifat)

conto: Putih, Jegeg, Bagus, Jemet, Lantang, Selem, Bawak, Dueg, msl.

4. Kruna Wilangan (Kata Bilangan)

– Kruna Wilangan Undagan (Tingkatan)

Conto: sa, dua, telu, papat, lima, nenem, msl.

– Kruna Wilangan Pahan (Pecahan)

Conto: tenga, seprapat, msl.

– Kruna Wilangan gebogan (Jumlah)

Conto: Lebak, Karobelah, Samas, Domas, Msl.

– Kruna Wilangan Pepasten

conto: biu aijas, jatma adiri, msl.

– Kruna Wilangan Tan Janten

Conto: Liu, begeh, ombeh, bedik, msl.

5. Kruna Wawastan (Kata Sandang)

Conto: I, Ni, Sang, Hyan, msl.

6. Kruna Pangarep (Kata Depan)

Conto: di, ka, ba, I, ring, ri

7. Kruna Panyambung/Pangiket (Kata Sambung)

Conto: Krana, yadiapin, wireh, msl.

8. Kruna Paneges

Conto: ya, ja, sih, ke, te

9. Kruna Pangentos (Kata Ganti)

– Pangentos Jatma ka pertama (Kata ganti orang pertama)

Conto: iang, tiang, icang

– Pangentos Jatma kaping kalih (Kata ganti orang kedua)

Conto: Cai, Ragane

– Pangentos Jatma kaping tiga (Kata ganti orang ketiga)

Conto: ia, dane, ipun, ida

10. Kruna Panguuh (Kata Seru)

Conto: aduh, arah, beh, ah, ih, msl.

11. Kruna Keterangan

Conto: dini, ditu, semeng, sanja, peteng, msl.

B. Kruna Basa Bali Nganutin Wangunnyane

Manut ring Wangunnyane kruna basa Bali kaepah dados limang soroh luirnyane:

1. Kruna Lingga

Inggih punika: Kruna sanedurung polih wewehan (Pangater, Pangiring, Miwah Seselan)

Conto: jalan, jagur, laib, tulung, tresna, msl.

2. Kruna Tiron

Inggih punika: Kruna sane sampun poih wewehan (Pangater, Pangiring, miwah Seselan)

– Pangater : (a-, ma-, su-, ka-, pa-, pati-, pari-, maka-, saka-, kuma-, sa-, pa-, pi-, dur-, swa-)

Conto: aukud, majalan, sudharma, kaejuk, pajalan, patigrepe, makadadua, sakabesik, kumalipan,

sasampun, pitresna, pajalan, durlaba, swabawa)

– Pangiring : ( -a, -e, -ne, -ang, -in, -an, -n, -wan, -nyane )

Conto: alapa, bastise, memene, ngadepang, tulisin, menekan, bapan tiange, dharmawan,

pangiringnyane.

– Seselan : ( -in-, -um-, -el-, -er- )

Conto: sinurat, sumaur, telapak, gerigi

3. Kruna Polah

Inggih punika: kruna sane sampun polih pangater anusuara ( ny-, m-, n-, ng-)

Conto:

– Sampat = Nyampat

– Sinduk = Nyinduk

– Paca = Maca

– Pancing = Mancing

– Tulis = Nulis

– Tundik = Nundik

– Kandik = Ngandik

– Kajang = Ngajang

– Msl.

4. Kruna Dwi Lingga

Inggih punika: kruna lingga sane kapingkalihan

Kruna Dwi Lingga malih kapalih dados 5 soroh luirnyane:

a. Kruna Dwi Sama Lingga

Inggih punika: kruna lingga sane kaucap pingkalih.

Conto: gede-gede, mokoh-mokoh, alit-alit, msl.

b. Kruna Dwi Samatra Lingga

Inggih punika: kruna lingga sane kaucap ping kalih, nanging ucapan sane ping kalih mauwah.

Conto: kitak-kituk, tundak-tundik, delak-delik, dengak-dengok,msl.

c. Kruna Dwi Maya Lingga

Inggih punika: kruna lingga sane kaucap apisan nenten prasida ngawetuang arti, nanging yening

kaucap ping kalih wawu prasida madrebe arti.

Conto: kapu-kapu, kunang-kunang, kupu-kupu, ogoh-ogoh, msl.

d. Kruna Dwi Purwa Lingga

Ingih punika: kruna lingga sane kecape ring ajeng kapingkalihang.

Conto: sesate, sesari, sesajen, dedalu, msl.

e. Kruna Dwi Wesana Lingga

Inggih punika:kruna lingga sane kecape ring ungkur kapingkalihan tur kadulurin antuk pangater

(paka-).

Conto: pakateltel, pakenyitnyit, pakecorcor, msl.

5. Kruna Satma/Kata Majemuk (kruna Dwi Bina Eka Sruti)

Inggih punika:angkepan kalih kruna sane ngawetuang arti asiki

Kruna satma kapalih dados kalih soroh luirnyane:

a. Kruna Satma Sepadan (Setara)

· Kruna Satma Nyihnayang Matungkalik

Conto: meme bapa, cerik kelih, luh muani, tegeh endep, selem putih, matah lebeng, bah bangun,

lemah peteng, kemu mai, kaja kelod.

· Kruna Satma Ngerasang Arti

Conto: joh sawat, selem denges, peteng dedet, nyunyur manis, langsing lanjar, tegeh ngalik, pait

makilit, putih ngempur, manis melenyad, msl.

b. Kruna Satma Tan Sepadan (Tak Setara)

Conto: biu batu, tiing ampel, kesela sawi, jebu garum, katik cengkeh, papah biu, nyuh gading, msl.

 

Administrasi Lomba Bulan Bahasa Bali

 Administrasi yang dibuat dalam pelaksanaan Bulan Bahasa Bali:

1. Daftar Hadir Lomba

2. Lembar Penilaian

a. Lomba Nyurat

b. Lomba Ngawacen

c. Lomba Masatua Bali

d. Lomba Dharmagita

Untuk file bisa di download disini 

DOA BAHASA BALI

 Doa Bahasa Bali untuk Acara Bulan Bahasa Bali

 

DOA

Bulan Bahasa Bali 2022

 

OM SWASTYASTU

          Om Aditya sya param jhotir

          Rakta  tejo namastute

          Sweta Pangkajo Madyaste

          Baskara  ya   Namas stute

 

 Om anobadrah kertawowiantu wiswatah

Untuk lengkapnya download di link disini

CONTOH MC ACARA BULAN BAHASA BALI

 MC Dudonan acara Bulan Bahasa Bali

DUDONAN ACARA BULAN BAHASA
DESA ADAT WANAGIRI
REDITE PAING WUKU UGU WARCA CAKA 1943
TAHUN MASEHI 20 FEBRUARI 2022

 

 

Duaning pisuguh alit sampun kacumawisang ring ajeng ida dane, inggih durus cita rasayang.

 

OM SWASTYASTU

Rahajeng Semeng lan swastiprapta aturang titian mantuka ring para Uleman taler ida dane miwah pamilet sami sane sampun ledang rauh ring genahe puniki.

Ida dane sareng sami titiang nunas uratian, riantukan acara ri sajeroning "Wimbakara", Mapaiketan Bulan Bahasa Warsa 2022 (Duang Tali Duanglikur) Pacang Kakawitin titiang.

Sadurung kamargiang unteng parikrama ring rahina mangkin,nuju rahina Redite Paing, Wuku Ugu, pinanggal Masehi 20 (duang dasa) Februari 2022 (Duang Tali Duanglikur), ngiring sareng sami  ngaturang puja pangastuti majeng ring Ida Hyang Paramakawi sane maprabhawa Hyang Maha Suksma, dumogi eedan acara sane pacang kamargiang malih jebos, mamargi antar maphala sidha sidhaning don.

 

1.                    Mantuka ring dane jero mangku sane meragasuci sane wangiang titiang.

2.                    Dane Majelis Desa Adat Alitan Kecamatan Sukasada sane Mustikayang titiang

3.                    Dane Bapak Perbekel Desa Wanagiri sane mustikayang Titiang.

4.                    Dane Kelian Adat Desa Wanagiri sane mustikayang titiang

5.                    Dane Ketua PKK Desa Wanagiri Sane kusumayangtitiang

6.                    Dane Kelian Adat Istri Desa Wanagiri Sane kusumayangtitiang

7.                    Manggala LPM miwah Manggala BPD Desa Wanagiri Sane kusumayangtitiang.

8.                    Dane Babinkamtibnas miwah Babinsa Desa Wanagiri sane kusumayang titiang

9.                    Dane Penyuluh Bahasa Bali miwah Penyuluh Agama Hindu sane kusumayang titiang

10.                    Manggala Dinas lan Adat sawewidangan Desa Wanagiri sane kusumayang titiang

11.                    Angga Panureksa sane kusumayang titiang

12.                    Prawartaka Bulan Bahasa Bali 2022 (Duang Tali Duanglikur) sane kusumayang titiang

13.                    Angga panuntun miwah pamilet se-jebag Desa Wanagiri sane kusumayang titiang

14.                    Taler mantuka ring Ida dane sane nenten prasida carca siki-kalih sane tresna sihin titiang.

 

Sane mangkin lugrayang titiang nguningayang indik dudonan acara, sane sampun palih- palihan titiang, sakadi ring sorpuniki:

1. Sane kapertama, Pangenter baos sakadi sane sampun katur iwau.
2. Sane kaping kalih, Nunggilang Kayun (Doa)
3. Sane kaping Tiga, Sambrama wacana saking Majelis Desa Adat Alitan Kecamatan Sukasada
4. Sane kaping Pat, atur piuning saking Manggala Prawartaka Bulan Bahasa Bali
5. Sane kaping Lima, Sambrama Wacana saking saking Bapak Prebekel Wanagiri
6. Sane Kaping Nem, Sambrama wacana saking Kelian Adat Wanagiri, Sapisanan Mungkah Acara Bulan Bahasa Warsa 2022 (Duang Tali Duanglikur)
7. Sane Kaping Pitu, Ngemargiang Wimbakara
8. Sane Kaping Kutus, Panureksan
9. Sane kaping Sia, Mesandekan
10. Sane kaping Dasa, Nguningang Jayanti
11. Sane kaping Solas, Photo Bersama
12. Sane kaping untat, Pamuput Acara

Untuk File lengkap silahkan di download disini